渡海濠情：生兒育女 兩個夠數
日本有個富二代，揚言要生一千個小朋友，於是四出尋找代母，據講泰國有間代母中心就有人幫佢生咗幾件出嚟，當地政府對此事十分關注，而嚟自十八桑拿嘅小儀就話：「生咁多小朋友點湊呀？」
老婆受苦
小儀話：「我本身對小朋友認真麻麻，但如果男朋友或者老公好想要，我或者會考慮一下，但都要睇吓佢有冇咁嘅能力，你咪心邪！我講嘅唔係生育能力，呢層大可放心，我個個男朋友都十分精壯，次次都可以搞到我死去活來，所以對佢哋絕對投下信任一票。而我要睇吓嘅，係佢嘅經濟能力，好多人嘅收入，養一個老婆啱啱好，養多一個小朋友勉強可以，但所謂勉強，就係已經養唔起老婆，例如再冇多餘錢畀老婆買衫買手袋，呢啲都係身外物，但生咗仔之後一定再冇錢同老婆出街食飯、得閒唱K、周末睇戲、放假旅遊等，平時成日做嘅嘢，因為身邊多咗一個半個小朋友，而要永遠終止，所以經濟考慮真係非常重要，而呢條友仲話要生一千個，有冇咁多錢養呀？」
付出心血
如果男朋友真係好有錢，經濟唔成問題，你又會唔會生多幾個呢？小儀話：「要我生一個小朋友絕對無問題，生第二個就已經要考慮一下，至於第三個嘅話一定唔制，所以我頂多會幫老公生兩件，就算佢幾有錢都好，我都係兩個夠晒數，講真照顧小朋友，唔係你有錢就可以，因為身為父母，要為小朋友付出時間同心血，就算你天生愛心爆棚，但你嘅愛心太過分散，同一時間攞去照顧十個八個小朋友，總有掛一漏萬嘅時候，不如集中心力去照顧好一兩個，等佢哋得到最好嘅照顧仲好啦！而且生得小朋友太多，我聽人講身體會變差，就算坐月時調理得好，生小朋友嘅地方都會變得冇咁紮實，影響到夫妻間性生活嘅質量咁就唔好啦！所以都係堅持兩個夠晒數！」
小儀Profile
年齡：20歲
三圍：34-23-35
撰文：小德
攝影：阿程