師傅成日都話一個人運氣好起上嚟真係擋都擋唔住，好似日本AV界扮嘢女王有村千佳咁，曾經沉寂一時，近期嚟個人氣大爆發，不但受到AV廠歡迎，喺一個遊戲女郎選舉當中，更力壓超人氣小淫娃紗倉真菜奪得冠軍，認真威水！
唔知大家仲記唔記得，小弟早前報道過一單遊戲機界同日本AV界破天荒合作嘅盛事，就係「人中之龍性感女優人氣投票」喇。呢個活動嘅目的係為電子遊戲《人中之龍》最新系列《人中之龍ZERO》選出10位AV女優化身成為遊戲中嘅陪酒孃，同遊戲中嘅男主角桐生一馬正面交鋒。由於該遊戲系列相當受歡迎，總銷量高達幾百萬套，極具人氣，所以參與選舉嘅女優多達30個咁多！而經過約一個月公開投票之後，結果已有分曉。遊戲生產商為隆重其事，舉行頒獎典禮頒獎予頭10位得票最多嘅AV女優。
今次呢個投票活動其實亦同時反映出女優嘅人氣度，之不過結果卻相當出人意表，因為唔少大家睇好嘅人氣女優都未能奪得冠軍，至於冠軍就由扮嘢天后、最叻玩Cosplay嘅有村千佳奪得。投票活動總投票高達350萬票，而千佳所得嘅票數就有24萬多票，認真犀利！佢得嘅票數比起超人氣小淫娃紗倉真菜多出4,000票，比人氣潮吹小天后上原亞衣更多出78,000幾票，令二女屈居亞季軍。喺頒獎禮上，千佳從《人》嘅監製名越稔洋手中接過獎項之後，表示相當感謝大家支持，同時感到相當驚訝自己如此受歡迎。至於真菜雖然輸咗，但佢話自己得到亞軍好開心。另外，上原亞衣表示有咁多人支持自己已經好高興，仲話30位女優參與今次比賽進行競爭，但係無損佢哋之間嘅團結精神喎。
撰文：賢