師傅教落，做人周身刀精通十八般武藝固然係好，但係專精一門手藝其實亦已夠用，好似早前被人發現喺殘廁同男人「約會」嘅女藝人咁，被電視台解約後就係憑一身高超瑜伽技巧而搵到出路，亦好似水着妹吉川木乃美咁，就係憑住舞技出色而突圍。
日本水着界競爭激烈，要成功突圍已經唔容易，突圍完仲要開拓更多市場搵真銀更加唔容易，皆因水着妹要培育同發展出一技之長至能夠向新路線進發，近年成功嘅例子當然係綾瀨遙啦。想當年遙妹挾住綺麗美貌同激凸身材成名，後來搵到機會演戲，練出一身好演技後即一躍成為一線女星，不知幾多後進水着妹以佢為奮鬥目標。吉川木乃美亦正正學習遙妹嘅做法，不過唔係練演技，而係練舞功。25歲嘅木乃美生得斯文端莊，十足十新聞女主播一樣，嬌美得嚟又出得大場面。斯文嘅面孔之下，木乃美有一副36-24-35魔鬼身材，肉地結實又白滑，胸前嘅F奶仲又圓又大又彈手，的確一流！
吉川木乃美喺2006年出道拍水着寫真，之前佢喺一間護士專科學校讀書，未畢業阿妹就已經修讀咗唔少其他方面嘅專業資格，例如係食品衞生責任者同甲級防火管理者等，可見阿妹讀書都幾叻兼幾進取。另一方面，木乃美仲精通韓文，加入藝能界後，多次被邀請擔任K-POP節目嘅助理主持。木乃美出道冇幾耐一度引退，後來喺2010年復活，並且成為藝能團體「超短裙警察」嘅成員，同一時間木乃美仲憑上乘舞功爭取到大量演出機會。木乃美由細到大都好鍾意跳舞，讀書嘅時候做過啦啦隊員，大個就學肚皮舞、太鼓舞同埋體操，令佢成為可以喺綜藝節目同公開場合中爭取表演機會，好似早前阿妹就為七月嘅盂蘭盆祭表演太鼓舞喇。
吉川木乃美一得閒就會四圍玩，每次玩完都會將當日嘅留影放上博客同大家分享，想留意阿妹嘅公餘動向就要Click上去睇喇。
網址：http://www.diamondblog.jp/official/__k0n0min__/
年齡：25歲
身高：5呎2吋
三圍：36F-24-35
撰文：賢