自從Nitro+創作出虛擬偶像Supersonico後，呢位爆乳美少女不但成為唔少男士嘅性感偶像，而佢嘅模型更係長出長有兼大受歡迎。Supersonico最新登場模型作品取名為「After The Party」，意思係Supersonico激烈演出後休息嘅造型。呢次化身成Band友嘅佢，身穿皮服甚有Rock味之餘，佢嗰對爆乳更係睇到人流晒口水，配合埋超性感熱褲同埋吊帶魚網絲襪，性感得嚟又極具野性味道。不過大家喺欣賞Supersonico誘人美體嘅同時，亦唔好忽略隨模型附送嘅結他同擴音器，精緻嘅手工足見模型師嘅認真。