喺呢個網絡年代，想證明自己靚定醜最好嘅方法，就係將自己個樣擺上網度畀人品評一下，而早排網上就流傳一輯問人覺得相中人靚定醜嘅相片，即時引嚟一時熱話。雖然靚同醜嘅定義好主觀，但相中女士你好難會話佢醜，究竟呢位衣着性感嘅女士係邊個呢？佢就係今年25歲英國女子Roxy Drummond。
咪睇佢家陣好有自信咁影自拍相兼擺上網，原來佢自細患上一種叫做「身體畸形障礙症」嘅精神病，患者會過度關注自己嘅外貌缺陷進行誇張或臆想，以致Roxy自幼覺得自己好醜樣，因此佢經常自拍擺上網，等獲得網友認同後先至敢出街。不過其後佢獲得親友支持後，不但漸漸擺脫網絡，並喺模特兒比賽中獲獎，家陣仲獲得一份內衣模特兒嘅合約添！
撰文：魂
網址：twitter.com/RoxyDrummond