家陣嘅外國女歌手好多都美貌與唱功兼備，不過有時佢哋作風豪放又狂野，往往過分賣弄美色甚至係色情意識，真係搞唔清佢哋係賣肉定係賣唱功，同往時美麗端莊嘅女歌手形象截然不同。六十年代，美國有位絕色女歌手以狂野豪邁嘅演唱作風，而被稱為女貓王，而拍戲亦一樣咁豪放，佢就係安瑪嘉烈（Ann Margret）喇。
美國賭城拉斯維加斯係好多人實現發達夢嘅地方，亦係好多明星嘅星夢起點，原因係當地除咗博彩業之外，娛樂事業一樣發達，造就唔少歌手同演員，一代絕色美女歌手，同時亦係卓越演員嘅安瑪嘉烈，就係喺賭城遇到佢嘅伯樂，從而踏上星途喇。安瑪嘉烈係瑞典人，8歲嘅時候就隨母親移居美國伊利諾伊州，同喺當地工作嘅爸爸一齊生活。初中時期，安瑪嘉烈就開始學習跳舞，據聞表現仲相當好添。後來，阿爸因工傷而搞到生活拮据，令佢要出嚟做餐廳侍應幫補家計。長大後嘅安瑪嘉烈輾轉去到賭城嘅夜總會做歌手，期間就畀佢遇上喜劇演員喬治伯恩斯，對方相當欣賞安嘅表現，邀請為其表演活動演出。
安瑪嘉烈嘅歌聲迷人又動聽，朝着歌手方向發展。到1961年，安瑪嘉烈有機會初登大銀幕，作品就係《歡槳滿華堂》。由於其演出甚佳，被當年《電影先驅論壇報》選為年度十大未來明星第二位。兩年後，安瑪嘉烈憑住演出《莫負青春》將人氣谷起，喺呢部青春歌舞片當中佢展現爆炸性嘅演出風格，狂野嘅舞蹈同歌聲令佢被稱為女貓王。安之後戲路漸漸轉為演技型，並獲得好評，1975年以《衝破黑暗谷》提名奧斯卡最佳女主角獎，並獲得最佳女主角金球獎，證明佢唔單只以美貌取勝。安瑪嘉烈咁好身材，拍戲嘅時候當然亦不時會露一露身材作性感演出，但係只限露出豐滿身材同驕人豪乳而已，鮮有淫蕩床戲。而眾多電影作品當中，《C.C. and Company》同《獵愛的人》 都有裸露戲份，而露得最多就一定係後者。安喺戲中嘅一幕赤裸床上睇書大露豐滿臀部，又唔覺意咁露咗一點，之後一幕換衫戲佢又露波邊，雖然乳點冇得睇，但係豪乳外形依然可以從側面睇得一清二楚，誘惑效果同樣高企！
撰文：賢