新加坡又稱星洲，地方整潔乾淨，環境特別優美，唔怪得每年有咁多人去星洲旅行觀光，更吸引不少日本女星去到當地取景拍攝寫真集，最近鈴木愛理喺星洲拍嘅寫真集《共鳴》就係其中之一。
今年20歲嘅愛理係日本樂壇實力派美少女組合℃-ute嘅成員，樣子嬌俏可人，氣質清純又脫俗，雖然身材唔係好豐滿，但係亦算苗條婀娜，仲皮白肉嫩，而佢亦不時同班組員換上三點式凸顯青春魅力，大大滋養觀眾嘅眼球。今次愛理喺呢本寫真集當中會去到星洲嘅大街小巷拍攝，用當地特有嘅環境配合自己嘅自然美態，令寫真相親切又自然，當然愛理仲會換上多款性感但又帶健康感覺嘅服裝演出，令大家睇完之後頓感清新暢快。
售價：約HK$228
撰文：賢