影壇好多女星都會喺出道數年，甚至係十數年之後至會瞓身一脫，以求將人氣從低谷中彈起。之不過，又有好多女星一出道就脫，將自己最青春、最新鮮嘅一面優先畀觀眾盡情欣賞。例子有邊個？菲比姬絲（Phoebe Cates）就係啦！
好細個嘅時候小弟已經開始睇荷里活電影，《小魔怪》系列正係我嘅最愛。而令我印象最深嘅除咗係可愛又勇敢嘅小魔怪，仲有斯文又靚女嘅女主角。到小弟長大之後，就發現原來呢位女角菲比姬絲仲拍過脫戲，今日就為大家介紹一下啦。菲比姬絲喺1963年7月16日於美國紐約出生，由於佢阿媽係中國與菲律賓混血兒，菲比生得一頭秀麗黑髮，長大之後面孔亦五官標致，帶一點點中國美人味道。菲比嘅父親除咗係百老匯其中一個重要嘅製作人，亦有參與電視製作，可能係呢個原因令菲比自小就睇過唔少歌舞劇，日後立志成為一個出色嘅舞蹈員。到佢10歲嘅時候就入讀美國芭蕾舞學校，仲憑努力而贏得獎學金添。之不過，15歲嘅時候就因為膝傷而要放棄跳舞，幸好佢天生麗質，好身材又靚女，做模特兒一樣搵到食。
喺一次訪問中，菲比表示相當討厭模特兒行業，因為覺得模特兒嘅工作千篇一律，重複性相當高，做一陣之後就開始唔鍾意，最後只係為咗賺錢而繼續工作。好快，菲比就脫雜模特兒界，轉而向演藝界發展。由於菲比青春無敵，樣子可人，電影界對佢亦相當看重，1982年首次演出，就擔任電影《金童玉女》嘅女主角。而喺呢部戲入面菲比唔單只經常着住比堅尼，大騷一副苗條身材，仲有幕同男主角於床上作全裸纏綿，認真夠晒大膽兼搏命。菲比初登銀幕備受好評，好快就接拍第二部電影《油脂妹》，繼續綻放青春光芒，佢喺戲中着上紅色比堅尼已經相當誘人，加上一幕係佢特登解開上衣盡騷美乳，場面令人噴血，而呢一幕更加被列入「銀幕最難忘跌比堅尼場面」添。菲比嘅性感演出只屬曇花一現，好快佢就收起身材，扮演番純情美少女嘅角色喇。
撰文：賢