坦白講，日本妹打乜波都咁好睇，而今次佢哋就打乒乓波，同時全日本比堅尼乒乓球協會經已隆重成立，早前就舉行咗淘汰賽，更加邀請到一班AV女優進行波濤「胸」湧嘅激烈比賽，球來球往，認真養眼！
日本成人電視頻道Paradise TV一向都好活躍，每日由朝到晚都製作成人節目，數十條頻道24小時全天候都有各種各類AV播放，真係惠澤唔少淫民。佢哋除咗製作成人節目，仲舉行好多極富娛樂性又不乏色情元素嘅活動，例如脫衣麻雀比賽就係佢哋嘅招牌活動。而最新活動就有乒乓波比賽，Paradise TV成立全日本比堅尼乒乓球協會，舉行名為「第一次比堅尼乒乓球淘汰賽」。當日嘅比賽地點位於新宿嘅Lefkada，邀請到8位美少女進行連場比賽，AV界嘅代表有猫田莉久、J奶新人塚田詩織、沙藤百合、武藤津久美，而寫真界嘅代表有萌芭以及Yanamo，仲有兩位神秘蒙面選手佳純★S同埋LOVE★H，佢哋個個都穿着比堅尼上陣，比賽嘅時候巨乳蕩漾，真係引死人呀！
比賽先進行4場分組賽，之後再嚟2場準決賽，最後就由2場準決賽嘅勝方嚟個冠軍戰。雖然眾多女優身材都係嬌滴滴，但係一睇到佢哋身上結實又富彈性嘅肉地，就知道佢哋一向都有做運動，所以打起乒乓波都有板有眼，絕對唔會姐手姐腳、手忙又腳亂。而眾多參賽者當中，球技就以猫田莉久以及佳純★S最厲害，冠軍賽就由佢哋兩人作生死戰。冠軍戰之初，佳純★S以凌厲扣殺球打到莉久難以招架，之不過，莉久讀高中嘅時候曾經代表學校打入全國高中生比賽嘅16強，實力強勁，最後莉久連勝2局，成功奪冠！至於，「第二次比堅尼乒乓球淘汰賽」將會喺10月13日展開，想睇班女優打乒乓波就唔好錯過喇！
撰文：賢