提起加拿大大家會諗起乜嘢？諗起嘅嘢雖然多，但相信冇乜人會諗到加拿大有間世界知名嘅脫衣舞夜總會，而佢就係位於蒙特利爾嘅Club Wanda's。作為國際級嘅夜總會，佢主打嘅係高質及時尚嘅享受。兩層高嘅夜總會一樓為演出大廳，以包廂形式包圍位於大廳中央嘅巨型鋼管舞台，每晚有超過30名嚟自全球各地超一流嘅高質艷舞女郎演出，而場內仲設有酒吧區，讓玩家可以邊欣賞精彩演出之餘，亦可同朋友把酒談心。至於二樓則為VIP房及餐廳，極為豪華嘅VIP房充分展現出佢高格調嘅形象，如果玩家玩得有啲肚餓，就可以去擁有露台嘅餐廳品嘗一流美食。不過大家要留意，VIP房嘅消費一啲都唔平，每間最多容納12人嘅房最低消費從US$1,500起（約HK$11,700），另外每個人消費更係分開計，同樣最低係US$1,500起（約HK$11,700），只係換嚟頂級享受同服務，都算物有所值啦！