唔少荷里活動作電影，都鍾意喺刺激嘅追兇同肉搏場面劇情中，加上幾段香艷男女主角肉搏戲，既睇得相當肉緊，感覺又夠晒香艷。如果覺得未夠香艷嘅話，不妨睇吓呢套同樣以追兇為題材嘅情慾小說《If You Dare》。故事講述喺蘇格蘭一條山村內住有一對情如兄弟嘅老友Courtland MacCarrick同Reynaldo Pascal，兩人不但成日結伴去玩，更同時睇中咗村內嘅索女Annalia Tristan。可惜因為某事故令Courtland性情大變，更犯下殺人重罪。身為佢好兄弟嘅Pascal決定親手將對方繩之於法，點知有晚正當佢同Annalia曳曳過後，女友突然失去蹤影，原來佢被潛入嘅Courtland綁架咗，Pascal喺情義兩難間究竟如何取捨呢？