廣告內容及形式都必須要遵循道德規條，以免觸犯法例兼惹起公眾指摘，令廣告效果適得其反，甚至嚴重破壞品牌形象，故此就算係夜總會或桑拿賣廣告，都只係採用泳裝女郎相片。之不過，最近巴西一間內衣店就相當出位，竟以裸女做宣傳。Marisa Lingerie係巴西嘅內衣店品牌，最近佢推出一個App畀顧客選購產品。呢個App嘅特別之處，在於客人可以點選不同模特兒相片，幫佢哋換上不同款式嘅內衣褲，用手指一點一拉就着上身，再點再拉就除落嚟，而被剝光豬嘅模特兒相片仲冇打格仔，完全係三點盡露！由於呢個App咁多好嘢睇，所以該品牌就話吸引到好多男士玩，並且吸引到佢哋幫女伴買內衣添！