近年啲靚女都喜歡脫毛，特別係手腳同腋下，真係搵條毛睇吓都冇，白滑又整潔乾淨。之但係，喺網上竟然有人大唱反調，表示唔應該脫毛，強調自然美先至係真正美，更開設群組，歡迎女士們拍「毛照」上載分享自然美，掀起女士晒體毛活動。據知呢個群組十分受歡迎，只係開咗短短日子，就已經上傳咗過百張「毛照」，有巴打就話的確充滿自然美，亦有巴打勁彈話好肉酸，靚唔靚真係見仁見智。至於另一個喺面書嘅群組，亦反對脫毛剃毛，仲話要捍衞毛毛。據資料顯示，呢個群組會員人數超過1,400人，嚟睇呢個反脫毛行動，正默默地進行。巴打們當然有彈有讚，不過已婚巴打就贊成居多，佢哋話可以慳番唔少剃毛用品錢喎！