早前台灣有位30歲開名車嘅男子，喺油站入油期間，突然有個辣妹走嚟要求帶佢返屋企，男子見女方一身酒氣，所以都冇理會，點知女方擾攘一輪後自己坐咗上車，男子起初諗住做好心送佢一程，點知囡囡一上車，就話邊度都唔去，要去酒店爆房，男子以為飛來艷福，於是就同呢個醉娃去開房。一入到房，女方表現主動，令男子享受到前所未有嘅快感，完事後，囡囡自行叫的士離開，離開時仲係一身酒氣。殊不知，原來呢個女仔係應召女郎，當佢返到屋企再打電話返公司話完成任務，點知公司話冇叫佢出鐘，原來囡囡同朋友喺樓上吧醉酒，飲到啤啤夫時接到電話表示有客人喺樓下嘅油站等佢，囡囡於是落樓，見油站有架車就走過去，誤打誤撞就上咗嗰個男子架車。囡囡得知真相後就控告男子，法庭早前判咗囡囡勝訴，呢個巴打無辜辜要坐3年8個月。所以奉勸大家咪以為真係飛來艷福，隨時係飛來橫禍呀！