最近不少澳門夜場都加起價來，而且不止是夜總會（之前夜總會一直是帶頭者，原因是澳門酒店房的價格一直拾級而上，而Club場用的都是酒店房，加價是不能避免的），連桑拿都一樣，雖然加幅不算好大，不過卻足夠令局外人產生疑惑，是不是那邊生意好好才加價了？「其實近幾年一直都陰啲陰啲加價o架啦，成本重，人工加、舖租加，套票無理由唔加喎。」B是馬交夜場粉絲，對那邊有理解也有支持，但這次加價，他也不太了解。
的確，看市況，這幾個月上面儘管一片死寂，但澳門街夜生活並沒有因而得益，也跟着大市偏向淡靜，「上面打貪嘛，落嚟花費、賭錢嘅人一定少咗，夜場又點可能獨善其身？不過就係唔明做乜仲可以加價。」B說，作為行內人，其實我打個電話問一問就自然真相大白了。
結果是，囡囡加價了！這次套票價錢提升，其實都給女孩了，「策略上有變，班女搵食成本重咗，你唔加啲錢畀班女，邊有靚女肯過嚟呀？」一位桑拿經理無奈表示，「人客少咗，仲要加價，你估無憂慮咩，到時靜老闆又壓落嚟o架啦。」
撰文：黃韋龍