巴西世界盃曲終人散，但對於巴西女性嚟講，可能係另一個新開始，開始乜嘢？就係開始佢哋嘅「CCR」喇！據網絡新聞報道，巴西一直都係女多男少，男女比例嚴重失衡，根據2010年嘅人口普查，里約熱內盧嘅男女比例為9:10，全國女性比男性多400萬人以上，所以一街都係剩女。而球賽舉行期間從世界各地湧嚟不少球迷，當中以男性居多，突然多咗咁多男人，呢班剩女就立即行動進行「CCR」喇！「CCR」係乜嘢？即係Cross Cultural Romance，跨文化戀愛呀！據當地交友網站統計，喺球賽期間，速配咗唔少對情侶，有啲仲喺當地閃婚添！有口痕網友就話，難怪當地妓女減價都冇生意啦！原來一街靚女等住你溝，單身嘅巴打們下次去巴西旅行，隨時娶埋個老婆返嚟呀！