正所謂相由心生，若然心境年輕，其他人睇你亦年輕得多，若然心境老，當然面上亦會呈現出老態畀人睇到啦。只不過，心境成熟展現一派成熟魅力可能令自己更加添上吸引力，索到啪啪聲嘅吉川友最近就為大家露一露自己嘅初熟魅力喇。
原本隸屬美少女組合「Hello! Project Egg」嘅吉川友青春活潑，臉上氣質綺麗動人，加上身材婀娜又白滑，唔怪得佢除咗喺歌壇吃得開，連拍寫真都咁吸引到眾多支持者啦。今年5月友妹度過22歲生辰，佢就話覺得自己成熟咗唔少，所以拍攝人生第三本寫真集《誘惑》嘅時候，就收起美少女嘅活潑好動，希望展示自己剛剛成熟嘅一面，用極具挑逗性嘅眼神配合火辣胴體嚟誘惑各位觀眾喎。
撰文：賢
售價：約HK$266