渡海濠情：見面就嫁 不傷腦筋
美國有個真人騷節目，安排咗三對陌生男女，一見面就喺教堂結婚，婚後更要共同生活一個月，再決定離婚定繼續，聽落好似好荒謬，但又有人感覺好好玩，好似嚟自金池桑拿嘅小潔就話：「我真係好想試吓呀！」
盲婚啞嫁
小潔話：「以前中國邊有人自由戀愛，全部都係盲婚啞嫁，男女互不相識，拜完堂入到新房至第一次見面，而且跟手就洞房添，佢哋婚後咪一樣開開心心，白頭到老，反而家陣個個都話要自由戀愛，唔好話相守一生，拍拖多年唔分手都已經好叻！令人感情生活充滿挫敗感，不少人唔敢再相信自己嘅眼光，所以我身邊好多女性朋友，拍咗十年八年拖後，最終都係由親友安排相睇，佢哋至結得成婚咋，所以嫁個陌生人嘅方法，係有佢嘅作用！」
總有個譜
但如果對方真係好唔掂呢？小潔話：「其實兩個人結得成婚，中間仲有好多人幫手，好似呢個節目，除非有人玩嘢，否則一定會照你所做嘅問卷，搵一啲你心目中喜歡嘅對象，再睇吓你係咪講一套做一套，至於古代父母同媒人婆亦會幫你籌謀，雖然自己想點唔可以講出嚟，但呢班人點都唔會亂嚟，唔掂極都總有個譜，頂多樣子同預期有少少出入，但你只要冇乜要求咁失望嘅機會就會大減，唔想為感情煩惱嘅朋友，呢種方法真係可以幫到大家！」
小潔Profile
年齡：21歲
三圍：34-23-34
撰文：小德
攝影：阿德