廣東科技出版社有本兩性健康生活圖書唔介紹吓唔得，名字叫做《夫源病:老婆的病，90%都是被老公氣出來的》，作者是日本近年嘅明星醫生石藏文信，由於佢老哥成日上節目解答女性觀眾嘅問題，所以人氣急升，而由於電視上全是女性粉絲，所以石藏醫生提出「夫源病」，意思係來自丈夫嘅病咁解，例如太太們常見嘅頭暈、心悸、頭痛、失眠、冇胃口等病徵，石藏醫生話90%都係被自己老公氣出嚟，太太們聽到自然100%相信，但石藏醫生的言論，連當地男士們都接受，可見真係有啲見地，而佢將多年心得編輯成書，喺日本一推出，半年內已經不斷加印六次，最近中文版推出，相信亦會掀起搶購潮，建議丈夫們真係要快啲買本睇吓，學吓當中嘅解決方法，否則被老婆先睹為快，被視為生活聖典嘅話，被迫跟住嚟做就冇癮啦！