人怕出名豬怕肥，除咗當事人怕太過出名，如果佢係一位女明星，男性觀眾一樣咁擔心，好似AV天后蒼井空咁，佢家陣喺內地紅到發紫，你想佢再拍AV，真係睬你都傻。不過，又唔係個個女星都愈紅愈錫身，好似西班牙頂級女星維多利亞阿布利爾（Victoria Abril）就隨年紀愈大，成就愈高，拍戲嘅激烈程度亦相對提升！
提到西班牙，大家會諗起鬥牛、番茄、地上最強嘅球隊巴塞隆拿、銀河艦隊皇馬，又或者係烏蠅，至於西班牙影星大家可能冇乜深刻印象，之不過，提到國際嘅情色電影史，來自西國嘅艷星卻係一直為我哋一班觀眾作出偉大貢獻，而維多利亞阿布利爾，就絕對係最具代表性嘅艷星之一。1956年，維多利亞出生於西班牙馬德里，自小就學習跳舞，並深得其舞蹈老師讚賞。到1974年，喺老師鼓勵之下，維多利亞就參加一次演員面試，從而成為電影《Obsesión》嘅演員，而呢次演出仲令佢受到西國電視界名導Narciso Ibáñez Serrador嘅賞識，搵佢演出電視台選秀節目《一個、兩個、三個》，令維多利亞成功入屋。之後，佢開始向電影界進軍，演出嘅電影作品好多都為佢帶來獎項，例如憑《情人》獲得柏林電影節最佳女主角，演技廣受國際電影界推崇，成為西國國寶級女星。
除咗演戲，維多利亞仲係一名歌手，曾出過一隻新派爵士樂大碟，可謂多才多藝。講番演戲方面，維多利亞年輕嘅時候生得清純可人，雖然身材唔太豐滿，但係勝在小巧迷人，最重要就係演戲唔錫身，敢裸露。當中全裸演出嘅作品甚多，最為人熟悉又演得最激嘅，就一定係喺1990年同型男安東尼奧班達拉斯合演嘅《綑着我，綁着我》喇。戲中，維多利亞某日被安東尼奧綁架及被侵犯，肉搏過程逼真，動作細膩而激烈。而二人相遇之前，維多利亞喺一幕出浴戲當中，用一個蛙人玩具自慰亦係誘人之極。隨住演藝成就累積及年紀漸大，已為熟女嘅維多利亞演出嘅激烈程度亦冇減退，佢喺2008年演出限制級電視劇集《X-FEMMES》嘅時候，除咗繼續作全裸演出，同嫩男激戰嘅時候，仲用手撫弄對方嘅長物以及表演吹奏，交歡場面仲疑似打真軍，真係好激呀！
撰文：賢