二字往往同負面嘅嘢扯上關係，好似話人係二世祖不懂守業；若然做人唔夠專一就會話佢得一望二。只係喺情慾世界中，二字非但唔會有負面嘅意思，反而會帶畀人莫大嘅樂趣。究竟二字喺情慾字海中有乜嘢有趣嘅詞語，咁就二話不說馬上睇睇啦！
全球首屈一指嘅酒店、海灘、度假村可能大家都知喺邊，只係講到全球最為著名全裸艷舞夜總會，又知唔知喺邊呢？答案就係位於美國佛羅里達州坦帕嘅2001 Odyssey。呢間從2003年至2012年被選為美國最佳有全裸艷舞演出嘅夜總會，號稱擁有全美最索、身材最火辣嘅艷舞女郎演出，加上極具時代感嘅裝修及不定期嘅狂野活動，不但吸引玩家捧場，更吸引名人光臨。佢哋除咗提供優質同養眼嘅艷舞演出外，更兼營高質餐飲服務。此外，佢哋仲推出全會員制網上艷舞演出，等會員可以喺網上欣賞到索爆艷舞女郎嘅表演，而玩家仲可以喺網上同一眾艷舞女郎嚟個互動交流添！
網址：2001nude.com
見到「21:7」呢堆數目字時，千祈唔好以為佢係清水同漂白水嘅比例，其實佢係不論男女都應該知道嘅數字，事關佢係避孕藥嘅服藥時間表。所謂「21:7」全名叫做「21:7 Pill Program」意思即係女性連續服食21日避孕藥然後停服7日（因應每種避孕藥有唔同服用規矩），透過藥物嚟控制孕激素從而達致避孕嘅效果。事實上喺四仔界，有唔少脫星都有服用避孕藥嘅習慣，皆因美國除咗加州演出四仔需要戴避孕套外，其他地方都冇規定戴套，脫星為求唔會意外成孕，因此都會事先做足準備。如果唔小心搞大咗點算好呢？唔好意思，呢層就要脫星自理喇！
如果有去過外國嘅夜總會，都會發現佢哋好多時會有「2-4-1」嘅字句，只係佢究竟乜嘢意思呢？咪以為佢係囡囡嘅收費嚟，其實佢係「Two for One」諧音嘅簡寫，意思即係買二送一。有人就問喺夜總會度買二送一，係咪即係搵兩個囡囡其中一個免費，咁咪好着數？大家千祈唔好心邪，事關佢哋買二送一嘅服務，只係針對酒類而言，等玩家可以飲得更多兼盡興。其實唔單止係夜總會，好多酒吧亦有呢項酒類優惠，大家唔好諗多咗呀！
日本AV界有唔少打住美少女旗號登場嘅女優，只係講到當中名副其實嘅美少女，就一定唔可以唔提二宮沙樹。呢位喺1985年4月10日出生嘅女優，喺未投身AV界前早就憑住「和菓子系」水着女優之名進身寫真界，而所謂「和菓子系」即係美少女系咁解。不過喺2004年時，沙樹為咗喺演藝圈有所突破，便主動聯絡由AV片商Alice Japan同Max A兩間公司合組嘅影視倫理監視委員會簽約，正式成為佢哋嘅旗下女優。喺2005年同2006年時，佢先後轉會到宇宙企劃及桃太郎映像兩間片商，而喺2007年時佢又參與朝日電視台電視劇《特命係長•只野仁》嘅演出。據講喺沙樹投身AV界初期，曾因片商覺得佢對33C嘅車頭燈唔夠豐滿而被要求做隆胸手術，只係佢堅信自己唔使僭建都可以喺AV界生存，而從佢嘅人氣證明佢當初嘅諗法一啲都冇錯！
美國著名嘅四仔片商有好多，只係當大家嘅焦點都落喺Wicked Picture、Vivid Entertainment、Digital Playground等幾間大片商時，其實仲有一間極具實力嘅四仔片商，佢就係21 Sextury。呢間成立於2003年嘅片商，最厲害嘅地方就係佢除咗推出四仔外，主打業務就係網上四仔影片。以美國亞利桑拿州為基地嘅佢，多年嚟推出多個人氣四仔系列，當然包括Exxxtraordinary Eurobabes、Footsie Babes、Sandy's Girls等，當中嘅Footsie Babes系列更獲得2008年嘅AVN最佳另類戀足作品獎。佢旗下嘅著名四仔影片網站多達25個，提供超過7,800套足本四仔。
偵探懸疑電影我哋就睇得多，其實四仔同樣有呢類題材嘅作品，並且仲拍得有聲有「色」，而佢就係由四仔著名男脫星兼導演Randy Spears喺2008年9月推出嘅作品《Two》。呢套由佢自拍、自導同自演，又搵嚟索爆脫星Stormy Daniels做女主角嘅作品，被譽為四仔懸疑故事最出色嘅作品之一。故事講述Randy係個鑑證科探員，為咗可以搵到神秘女連環殺手，於是決定引蛇出洞。不過由Stormy飾演嘅女殺手行蹤相當詭秘，而行事小心嘅佢為求自保，於是決定成為Randy嘅女友，希望可以從此甩身。經過Randy嘅調查後，終於知道Stormy嘅真身，究竟最後能否抽身而出呢？
撰文：魂