炎炎夏日最好嘅消暑酒精飲品係乜嘢？相信好多人都會話係啤酒，只係酒世界咁大，講到消暑又點會係啤酒嘅專利呢？澳門人氣酒吧A1 Bar & Karaoke就喺呢個夏日，推出多款精心調製嘅雞尾酒，既清涼透心兼消暑，豐富嘅味道更令人回味無比，絕對係超越啤酒嘅好選擇！當中嘅人氣推介分別有以伏特加、Triple Sec同青檸汁調校而成嘅Kamikaze，及由伏特加、君度酒、鮮青檸同小紅莓汁製成嘅Cosmopolitan及B52轟炸機等。須知道雞尾酒好唔好飲，最重要係調酒師調校分量嘅技術，唔同嘅調酒師調出嚟嘅同一款酒可以有好大嘅差別，而呢間酒吧所帶畀你嘅味道一定唔會令你失望。