現年36歲嘅葛妮絲，曾當高級應召女郎，最近佢出咗本自傳《總共10,000個男人》，自爆佢一共同10,091個男人瞓過，所以被網友封佢為「萬人斬」。新書中情慾描寫比較少，反而內容十分勵志，講述佢18歲時喺酒吧被流氓強暴，從此自暴自棄走上性工作者之路，客人主要以律師、音樂人居多，其中不乏政商名流，後來因誤交損友而染上毒癮。喺佢24歲時不幸發生嚴重車禍，經過生死關頭之後開始反省人生，最後佢返回父母身邊，並脫離應召女郎行業，重新做人。呢本書嘅故事十分感人，但係內地網友就完全不感興趣，佢哋話內地囡囡嘅故事，隨便搵一個都比葛妮絲嘅峰迴路轉得多。講得又啱，骨場囡囡一日做10個客，做得幾年之後，有邊個唔係萬人斬，難怪佢哋對葛妮絲嘅新書無興趣啦！