渡海濠情：靚仔走人失望傷心
世界盃曲終人散，有人歡喜有人愁，雖然已經冇波睇，但澳門夜場嘅一眾囡囡仍然對靚仔球星們念念不忘，好似嚟自金池桑拿嘅小蘭，就話最愛英格蘭隊，而問佢最喜歡邊個球星，佢話喜歡打後衞嘅勞基梳爾。
英國球星
小蘭話：「我以前從來都唔睇波嘅，後嚟有個男朋友喜歡睇英超，於是咪跟佢一齊睇囉！慢慢就對英國嘅球星有所認識，而喺眾多英超嘅球星中，我當年只識得碧咸一個，但佢好快就過咗美國搵食，所以我都冇機會睇過佢嘅球技，但就畀我喺修咸頓搵到個小碧咸，球技雖然未夠碧咸咁好嘢，但就有佢一樣咁靚仔，佢嘅名字就叫做勞基梳爾，今屆有份入國家隊打世界盃，我自然會捧佢嘅場啦！但好可惜打完分組賽，竟然要提早執包袱！」
全無表現
講起火都嚟埋，扯起小蘭條筋，佢話仲有大把嘢要講！小蘭話：「我哋身為粉絲，當然希望佢哋表現出色，點知三場分組賽，竟和一場，輸兩場，最後只攞得一分出局，成績之差真係令粉絲們大失所望，枉我捱咗幾晚通宵去捧場，今次真係嘥心機捱眼瞓啦！雖然我偶像勞基梳爾好畀心機去踢，但由於整體發揮真係差強人意，前中後場都完全冇表現，睇嚟就算搵番真正嘅碧咸落場都係無法力挽狂瀾，所以我一啲都冇怪我偶像，只怪隊波真係太差啫！」
小蘭Profile
年齡：21歲
三圍：35-24-35
撰文：小德
攝影：阿德