日本嘅居酒屋既係品嘗燒烤美食嘅好地方，亦係朋友相聚把酒言歡嘅好去處，只係香港唔少居酒屋搞到好似食店咁，冇咗嗰種氣氛，澳門嘅呢間燒酒居卻可以做到呢點。佢裏裏外外都充滿住日本風情，加上企理又有情調嘅環境，令大家坐得舒服，配合埋熱情嘅招呼認真唔錯！除咗有大量海鮮、肉類、蔬菜等燒烤美食選擇外，酒類亦相當豐富，從人氣品牌啤酒到日式燒酒等都應有盡有，而喺呢度仲可以搵到日式居酒屋少見嘅特色雞尾酒，好似呢期佢就新調咗一隻名為「十面埋伏」嘅酒，將冰凍燒酒加上顏色鮮艷嘅啫喱呈現大家眼前，感覺既清新又富有視覺享受，值得一試！