宅男天地：養眼女戰士

由日本人氣動畫《天元突破紅蓮螺巖》原裝班底推出嘅新作《KILL la KILL》，不但貫徹佢哋勁熱血、超激鬥嘅風格，作品中嘅女角色個個更係身材玲瓏浮凸，衣着性感，好似女主角鬼龍院皐月就係好例子。皐月前凸後趷嘅身材，加上身穿一套露肉度最多嘅火辣戰衣，真係引死人！而呢個皐月模型絕對忠於原作，性感度一樣爆晒燈，一對美乳不但養眼，後面仲露晒成個玉背，真係睇到人流晒口水！配合埋手持配刀「縛斬」嘅造型，性感得嚟又霸氣十足，令模型觀賞性大大提升。