呢邊廂日本AV廠殺入名牌大學招募新血，吸引大學生投身AV界。而另一邊廂嘅美國四仔界，有3位脫星接受傳媒訪問，道盡脫星喺鏡頭下嘅辛酸，佢哋話上床肉搏唔難，最痛苦係被人用有色眼鏡看待呀！
同樣係色情產業大國，但美國囡囡只要肯剝就可以入行做脫星，相反，日本就要殺入大學開講座搵女，又難怪外界以為喺美國剝衫搵食好易撈得起嘅！脫星能否成功上位，要配合天時地利人和；但可以肯定嘅係，脫星成功與否都要面對社會嘅眼光。早前，美國新聞網站「Huffington Post」就大學脫星Belle Knox顛覆脫星界，引起社會極大回響作大前提，搵嚟3位性格脫星做訪問，包括Stoya、Dylan Ryan及Satine Phoenix，由佢哋講吓入行經過及脫星嘅辛酸。Stoya話佢當脫星差不多10年，有唔少忠實粉絲撐場，但仍然有好多人戴有色眼鏡睇佢，曾經試過畀人當眾稱呼佢做妓女，令佢十分激氣！至於Dylan Ryan係社工系碩士畢業，佢話加入脫星界一心為女權及女同主義發聲，無奈外界認為佢係借題發揮博出位，令佢承受唔少壓力。
最後到Satine Phoenix話佢18歲加入脫星界，佢坦言入行係為咗搵快錢，由出道至今砌足9年，期間任何玩意佢都試過晒，阿妹亦習以為常，幾重口味都照單全收。但最令佢無法接受嘅係被定型為淫娃，每次出街人人都用有色眼光睇佢，無論去超級市場買嘢、去餐廳食飯，甚至連坐車亦然。Satine惟有自我安慰，話自己係從事藝術工作，唔會理人點睇佢！然而，呢一篇脫星訪問引起各大社交網友道德批判，延伸到女權主義網站都開火撐還擊，原來脫星嘅影響力真係唔講得少呀！
撰文：祖