台灣嘅模特兒當中，有好多原本係做緊其他行業，但由於相貌討好，身材出眾，之後被媒體追訪而成名，好似「雞排妹」鄭家純，原先係賣雞排嘅，而今日要介紹嘅邱慧雯，佢就係賣乾麵而成名，因此也有「阿舍乾妹」嘅外號。
邱慧雯出生於台灣苗栗縣，別名雯雯，未出道時，喺北台灣科學技術學院讀書，閒來無事，同其他同學仔一樣去商場做兼職，希望賺啲外快，咁啱有日佢正替一款叫阿舍嘅乾麵喺商場做促銷，由於雯雯樣靚身材好，被網友發現後作廣泛宣傳，因此人氣急升，日日都有人排隊嚟買嘢，最後那商場更索性搵雯雯做埋代言，於是「阿舍乾妹」嘅名字就開始廣泛流傳，由於人氣大熱，有好多商場都搵佢幫手，講真只要雯雯一到現場，例必人山人海，生意自然好到不得了，所以雯雯喺當地更有「福將女神」之稱，其後更殺入模特兒界，做平面模特兒，接拍不少廣告同雜誌寫真！
今年26歲嘅雯雯，雖然唔係影視表演系出身，但佢嘅口才同反應，喺行內公認唔錯，所以出道冇耐就有電視製作單位搵佢做節目助理，喺多位綜藝界大哥嘅培訓底下，雯雯嘅表現深受製作單位同觀眾歡迎，其後雯雯再出席商場或者展場騷時，已經由騷女郎，晉升為活動女主持。而佢嘅光環更由台灣殺到去內地，原先係台灣嘅廠商請佢過去主持活動，但由於雯雯表現出色，近年內地廠家更主動請佢過去做騷，身份地位高咗，報酬當然亦增長咗唔少，但佢冇話自己紅咗就減少接拍寫真，反而愈拍愈大膽，不時都有新突破，令粉絲們驚喜不斷。證明雯雯嘅成功，除咗運氣好之外，努力同不忘本都係佢成功嘅主要原因！
簡介：邱慧雯雖然係台灣模特兒，但近年亦殺入內地做唔少商場同展覽騷，所以佢亦有內地官網，放咗唔少照片同短文喺上面，大家不妨登入嚟捧吓場。
網址：http://weibo.com/u/2512322950
出生地：台灣
三 圍：32C-24-34
身 高：163cm
撰文：龍四海