未到16強，世盃先剝兩棚「牙」，先有西班牙首圈出局，再嚟葡萄牙危危乎，加埋英格蘭提早放暑假，呢個世盃仲有乜好睇？好彩仲有囡囡世界盃撐住，食住世盃熱，網站「Mr. Skin」搞咗壇球迷心目中世界Cup選舉，囡囡唔使落場砌，齋鬥Cup數已夠晒刺激呀！
未知英國佬係咪早已預測到英格蘭會提早出局，最近當地知名裸露資訊網站「Mr. Skin」就藉巴西世盃熱搞咗個囡囡世盃公投「Which Country Has the Hottest Nude Celebs?」，集合世界各地多位曾經有裸露過嘅名人、明星兼脫星，個個質素超班，將佢哋抽籤排分組賽，由網民投票選出世界波冠軍。呢班囡囡嚟自16個國家，包括巴西、美國、捷克、荷蘭、德國、澳洲、瑞典、法國、俄羅斯、意大利、日本、墨西哥、西班牙、加拿大、英格蘭以及烏克蘭，以上大部分國家都有入圍今屆世盃，大家支持愛隊同時，記得支持埋啲女呀！
為免浪費大家睇波時間，Mr. Skin做足功課，每隊國家隊由龍門到前鋒有11人，最經典囡囡（即最大年紀）就安排守龍門，最當打囡囡（即最索最嫩口）就做前鋒，順次序排成黃金11人，每一隊都有段短片介紹佢哋有幾好波，而每件女亦有個人簡介，以及曾經喺邊年邊月邊日邊套電影裸露過。
睇齊16隊「球隊」介紹，雖則話明星佔大多數，但日本隊就清一色由AV女優上陣。原來外國人對日本AV行情好熟悉，連70年代嘅池玲子佢哋都識，其餘蒼井空、吉澤明步、麻美由真及範田紗紗就更加唔使多介紹啦！至於歐美方面，有名氣嘅明星實在太多，惟獨得烏克蘭有職業脫星上陣，佢就係中女Nikki Benz喇！睇怕阿姐可以入圍，仲爽過攞咩四仔大獎囉！
撰文：祖