全職同兼職唔同嘅地方，前者往往畀人一種全身投入嘅感覺，而後者則令人覺得玩票性質較重，亦好似冇咁專業。不過對新進裸模Sheela A嚟講，雖然家陣只係兼職性質，不但唔代表佢唔投入及唔專業，反而因為兼職，工作時可以更放、更肆無忌憚。
今年20歲、嚟自烏克蘭嘅Sheela A，今年3月先至登場，絕對係個新鮮出爐嘅裸模！雖然佢登場至今三個幾月，但已推出超過4套寫真，而佢嘅處女作更由著名成人寫真網Met-art親自操刀。Sheela表示對處女作相當滿意同興奮，事關佢唔單止可充分表現自己溫柔嘅一面，更凸顯出佢玲瓏浮凸嘅身材。事實上，Sheela登場以嚟合作過嘅寫真網站仲有Femjoy同Peachy 18，兩間同樣喺成人寫真界相當出名，而同佢合作過嘅攝影師亦大讚佢不但擁有高挑身材，而魔鬼級數嘅三圍數字更係令人眼前一亮，更難能可貴嘅在於佢可愛又親切嘅氣質，縱然露盡三點都冇畀到人一種低俗嘅感覺，反而平添一種健康性感美，因此都非常睇好佢未來喺裸模界嘅發展。
點解會用登場，而唔係出道嚟形容Sheela呢？皆因現階段嘅佢並非全職，而係一位兼職裸模。不過既然Sheela登場冇耐，就已經得到攝影師同男士嘅好評，唔知有冇考慮即刻轉做全職裸模呢？Sheela表示暫時仲未有咁嘅打算，事關佢仲要完成埋未來嘅課程，只係若然有工作機會，佢都會盡力抽時間完成。其實唔少裸模眼見初登場已經取得好成績，都會放下現有嘅職位或學業，點解Sheela會選擇繼續兼職呢？佢解釋唔做全職嘅原因，主要係兼職對佢嚟講冇咁大壓力，而喺冇壓力下工作，不但更樂在其中，影寫真時表現得更加自然同放肆，有時諗到好主意就會馬上嘗試，唔會好似一啲全職裸模咁為顧及形象，情願用番以前成功嘅模式，對自己嚟講會變得冇晒突破。
登場只有三個幾月嘅Sheela，作品雖然唔多，但講真好嘅寫真唔一定要多，最重要係大家睇到心跳加速兼流晒口水。呢個網站就網羅咗佢登場以嚟嘅作品，等大家體驗一下呢位裸模界新星嘅魅力。
網址：www.indexxx.com/models/99053/sheela-a
出生日期：1994年1月1日
身高：5呎8吋
三圍：37、28、35
撰文：魂