世盃正進行得如火如荼，相信好多球迷都不惜捱夜欣賞球賽，以及支持自己嘅愛隊。雖然見到愛隊輸波係傷心，但係都唔好搞到行為失控，兼且嚇親我最愛嘅上原亞衣喎！早幾日，日本隊喺世盃分組賽以1：2輸咗畀科特迪瓦，一眾日本男球迷梗係好唔開心，喺涉谷區街頭就聚集咗一班情緒失落又憤怒嘅球迷，佢哋四圍向行經嘅女性胸襲洩憤，而其中一個受害者就係剛剛喺酒吧為日本隊打氣，然後趕去跟經理人見面嘅AV女優上原亞衣。消息指出，班球迷見到亞衣就上前搭訕，而亞衣亦好有禮貌咁打招呼，點知有人趁混亂向亞衣施展胸襲，最後施襲者被警方拘捕。幸好，事後亞衣喺微博表示冇乜大礙，咁都放心啲。