英國有位處女，直到51歲才破處！可能大家唔覺得出奇，但奇就奇在佢經歷過兩段婚姻，合共同兩任丈夫一起生活咗33年，但佢仍然保持處子之身，係咪好出奇先！呢位女子叫瑪莉亞，18歲時同第一任丈夫結婚，當時丈夫話性生活只係為咗生兒育女，而佢哋都唔計劃生BB，所以一直保持無性婚姻生活。1982年瑪莉亞遇上第二任丈夫，兩人一見鍾情，於是與第一任丈夫離婚。而第二任丈夫，竟然又係無性婚姻嘅支持者，直至2005年，第二任丈夫中風，主診醫生對佢兩公婆都關懷備至，3年後瑪莉亞決定嫁畀呢位醫生，當時佢已經51歲，兩人洞房時，丈夫發現瑪莉亞竟然係處女，而大感意外。最近瑪莉亞接受傳媒訪問，講出自己嘅經歷，坦言對目前擁有性生活嘅日子感到美滿。