失敗乃成功之母，又有云自古成功在嘗試，做人最緊要就係識得從挫敗中學習，及從失敗後重新出發，之不過，好多日本水着妹都唔明此道理，明明有大好身材，卻因於短期內爭取唔到人氣而引退，幸好吉見早央唔係呢類人，故可以重新出發，令男士們眼福非淺。
當今日本水着界女優相當多，大部分都有樣有身材，好多仲青春嫩口，要成功突圍而出絕對唔容易，一旦唔能夠爭取足夠人氣支持，好快就會被業界淘汰；就算有咁上下人氣，亦可能因為名氣唔夠人勁而做到心灰意冷想引退。然而，逃避其實唔係辦法，所以吉見早央引退之後最終都係決定要再戰水着界。阿妹今年29歲，好快就會踏入爛茶渣之年，之但係從阿妹嘅面上完全睇唔到有任何歲月摧殘過嘅痕迹，仲同十八、九歲嘅後生女一樣咁皮白肉嫩、容光煥發，可愛氣質絕不遜於一班後輩師妹。除咗樣貌之外，早央嘅胴體一樣鮮嫩滑溜，而其34D-24-34身材仲曲線誘人，簡簡單單擺個姿勢都已經媚態萬千。
喺2007年出道做水着妹嘅吉見早央，原先唔係用呢個藝名，而係用吉川紗織，至於點解改名就等一陣先講。初初出道嘅阿妹，性格活潑又夠放，當佢獲邀演出電視節目《過度Cozy》時候，往往表現得大癲大肺，兼且唔介意暴露其美好身段，令人捧腹大笑又大飽眼福。由於早央嘅成功來得太早，往後當佢面對事業低潮，工作唔夠多嘅時候就意志消沉，最終喺2010年宣告引退。經過兩年多嘅引退生活，某日阿妹就喺一個公開活動遇到同樣曾經遇過事業低潮，後來改名為吉見衣世嘅花木衣世。二人一見如故，而早央仲向衣世表示好想再戰水着界，衣世則大表支持同鼓勵，在信心大增之下就決定同衣世改埋同一個姓氏，仲同衣世以吉見姊妹嘅身份打拚。復出後嘅早央演出比往日更豪放，拍寫真成日玩自摸同面露淫穢表情，出位嘅表現令佢工作量大增，總算取得不俗成績。
年齡，29歲
身高：5呎4吋
三圍：34D-24-34
復出之後嘅吉見早央工作相當多，亦可能因為太忙，所以唔係成日更新博客，然而一旦更新就有好多靚靚性感照，大家不妨睇睇。
網址：http://ameblo.jp/saori2cats/
撰文：賢