林林總總、五花八門嘅情趣玩具，為男男女女帶來刺激又新奇嘅閨房之樂，之不過，唔係每處地方嘅市民都可以隨便買到情趣玩具咁幸福，早前美國喬治亞州一位叫Melissa Davenport嘅婦人，就為咗購買情趣玩具而控告政府嘞！事緣有一日Melissa去到情趣玩具店選購震蛋同震棒，諗住同老公喺床上慢慢玩，增加閨房樂趣，卻被店員要求佢出示醫生紙，因為當地法例規定情趣玩具只可以用作教育、醫療及科學用途。Melissa一怒之下就決定控告政府，而有關當局得悉事件後，居然回應話會企硬唔讓步，睇嚟喬治亞州嘅市民要買情趣玩具都幾難囉！相反，當地買槍械同帶槍出街都係合法，唔需要任何證明文件，真係吹脹！