早前英國有個單身寡仔，幾經辛苦，終於向女友求婚成功，男方以為呢次實食冇黐牙啦，點知女方突然玩嘢，表示除非男方答允畀4,000英鎊，約50,000港元，否則唔嫁！呢個數目話多唔多，話少唔少，男方好奇問女友要4,000英鎊嚟做乜？女方就話：「要嚟隆胸！」原來呢位英國女子嘅上圍僅得32B，係就係細啲，之但係，男方向佢衷心表示一啲都唔介意。不過，女方仍然堅持，仲話因為乳房又扁又細，令佢冇晒自信心，最後男方無奈答允。三個月之後，女方隆胸成功，跟住佢就挺住對大奶好開心咁嫁咗畀男方，之後佢仲將相片放上網騷身材，表情鬼咁風騷。有網友話，好彩呢個女人唔係屈男友副身家，否則最後係男方要逃婚囉！