自從美國洛杉磯立法規定四仔男優喺拍攝時必須戴安全套後，好多業界人士都反對，但大家咪以為只係片廠同男優嘈喎，事實上嘈得最多係班脫星，最近就有Casey Calvert喺網上撰文炮轟四仔安全法案謀殺色情工業喇！呢篇近萬字嘅文章，內容除咗有Casey講吓個人感受外，更收集咗逾百位業界員工同脫星嘅簽名支持反對法案，相當犀利！至於Casey講咗啲乜呢？佢認為男女脫星並非討厭安全套，但係佢認為演員對用或不用應該有最終選擇權；第二點係安全套喺四仔中出現，嚴重影響觀感，結果令四仔迷唔願意購買四仔，直接影響銷量，繼而令脫星收入減少，呢個惡性循環就係因為一個「膠袋」，長此落去，美國將會冇人再拍四仔喎！