「東莞這陣子的情況怎樣？」我問已經撤回香港、本來跑內地線的同事，他回答我：「早排有傳言話啲夜場有機會重開，不過事實證明係流料，上個星期收到風，嗰間以前出晒名係輪街症嘅桑拿都正式宣布遣散班員工，咁你話係咪真係開得門嘞？」同事也特意上去走一轉，跟以前的所謂「大掃除」不同，不但沒有背後偷開門的事（即使真的有，你敢去嗎？），而且放眼所見，市面確是一片蕭條，「啲夜總會、骨場其實都拉晒閘，啲本來做開外地人生意嘅茶餐廳、酒店都嗌晒救命，總之就愁雲慘霧啦。」
「係呀，啲茶餐廳原本做開啲蒲友嘛，聽啲伙記講，由出事到依家，人客最起碼少咗四、五成；另外，啲酒店都劈晒價啦，老實講吖，嗰啲地方根本就唔係旅遊點，唔係帶女上房又點會有人去？咁嘅時勢，唔減價都唔得啦。」同事說。
至於那間一直被網民稱為「輪街症」的桑拿，的確是風光一時，他們一向都不做廣告、不搞宣傳，但一樣其門如市，而之所以被稱為輪街症，也是太多客搞到經常爆晒房，要排隊入房所致，看來，這場風波，可不是短期能夠解決的。
撰文：黃韋龍