最近網上見到一張新血嘅照片，個樣十分清純，再睇清楚啲資料，原來係廣州妹，佢嘅名字叫做劉奕寧，英文名叫Lynn，出道一年左右，但人氣就爆晒燈，因為佢清純又得，性感又得，而且性感起嚟魅力四射，令人暈晒大浪！
今年20歲女嘅劉奕寧，出道好短日子，同其他模特兒一樣，入咗大學時至學人做網拍模特兒，而佢讀書嘅地方就係廣州體育學院，起初以為劉奕寧神高神大，唔通係專業運動員，但原來搞錯咗，翻查資料至知道，劉奕寧係讀體育藝術系嘅模特兒專業，所以做模特兒絕對係學以致用。家陣仲讀緊書嘅劉奕寧，由於外形出眾，所以兼職工作不斷，除咗網拍外，仲出席過車展同埋動漫展，特別係動漫展，佢一着起套動漫制服出嚟就已經吸引死人，不知幾多龍友舉機向佢閃個不停，事後發貼上網後，不知有幾多人追問這女生是誰？由於當時啱啱出道，冇人有佢嘅資料，所以曾經成為謎一樣嘅動漫女神。
後嚟劉奕寧除咗接啲網拍工作，例如影啲少女系列服裝同飾品包包外，仲膽粗粗接拍埋性感寫真，其中有一輯扮成黑色小野貓，只着黑色比堅尼嘅作品，就真係驚為天人，追捧開佢嘅朋友就更加愛佢，至於唔識佢嘅亦因為呢輯相，而決定做佢嘅粉絲，令劉奕寧人氣飆升，之後一口氣拍咗三、四輯，以新人嚟講，密度都相當高，但每輯出嚟嘅效果，都令人驚喜不斷，性感之餘不失可愛清新，唔似巨乳囡囡只識賣弄肉體，講真劉奕寧身材亦只屬一般，但就畀到人恰到好處嘅效果，難怪咁受歡迎啦！相信佢前途一定無可限量！
出生地：廣州
三圍：34-23-34
身高：168cm
簡介：劉奕寧在網誌內不停更新資料，除咗照片夠晒詳盡外，有時仲會同網友分享吓心聲，喜歡八卦少女心事嘅朋友，絕對不容錯過！
網址：http://vgirl.weibo.com/weibo/index.php?uid=2273982432
撰文：龍四海