近期日本AV界最熱烈嘅話題，一定係相隔7年再次隆重登場嘅AV Open 2014喇！而為咗競逐獎項及獎金，各大AV廠都推出重頭大製作，SOD亦不例外，最近更請來風俗孃變身成為AV女優，將新意同刺激帶畀大家。
日本AV界同風俗界關係千絲萬縷，一方面AV作品經常將風俗界嘅玩法搬上螢光幕，另一方面有唔少AV女優兼職做風俗孃，例如真田春香喺一間叫「輝」嘅風俗店做按摩女郎，而小澤瑪莉亞就喺陪酒店「虎之穴」長駐做陪酒孃。此外，亦有唔少風俗孃轉行做AV女優，例如曾經紅遍熟女界嘅北原夏美，就係出身於洗浴女郎。除此之外，AV集團SOD亦開設風俗業資訊搜尋網站「kaku-butsu」。
而SOD貴為合辦AV Open 2014嘅三大AV集團之一，表示推出史上最豪華合輯作品《SOD 20周年紀念作品》，合共花咗5,300萬日圓製作費，約為400萬港元，當中有一Part係由SOD同網站「kaku-butsu」作社內合作，搵來風俗孃界嘅精英風俗孃競逐「口舌女王寶座」。
其實，呢個口舌女王選拔賽喺17年前，即係1997年嘅時候舉行過，當時都係由SOD主辦，不過規模比較小，而今次就變成風俗業界其中一項盛事。從日本各地搵來4位風俗孃參賽，包括有美少女系嘅美加、姊系嘅紗榮子、肉食系嘅加奈子以及治愈系嘅花蕾，佢哋分別來自新宿及橫濱嘅風俗店，同時係從46萬名風俗孃當中挑選出嚟，實力毋庸置疑。呢4位參賽者喺未來一個月裏面，將會陸續進行不同比賽以及由專業評審評分，最後選出冠軍。
不過，據知4位參賽者不論誰勝誰負，都會成為SOD嘅專屬女優，以加強廠內嘅女優陣容。
撰文：賢