巴打些牙:英國大學生多性伴

小弟輟學之後一直都冇再進修,唔係因為覺得自己夠料,而係一向都討厭返學讀書,但係最近小弟求學之心再次燃起,仲燒得相當猛烈,好想去英國進修。點解?因為當地嘅大學生好有性福囉!英國網站「studentbeans.com」最近進行一項有關大學生性伴侶數目嘅調查,邀請到當地數十間大學嘅學生協助進行,結果都幾驚人!喺上年嘅同類調查當中,羅漢普頓大學封王,校內每個學生平均有6.32個性伴,不過依家呢個數字只可以列為中游分子,因為今年嘅調查發現布萊頓大學嘅學生平均有10.59個性伴,排名第一!而第二及第三位就分別有9.94個性伴嘅曼徹斯特大學,以及有9.57個性伴嘅利物浦大學。做英國大學生咁有性福,大家係咪好想過去進修呢?

撰文:賢