俗語有話「四眼鹹濕、靚發姣」，以上說法多少都帶有貶義，小弟我亦唔多認同，特別係四眼鹹濕呢一項，原因唔單只小弟都係四眼仔，時東亞美呢位四眼妹亦話畀大家知，戴眼鏡嘅人唔一定鹹鹹濕濕，仲相當有善心添！
小弟我成日都怨自己細個時候經常睇電視同打機，最終搞到變咗做四眼仔，唔單只做運動唔方便，最慘就係同女仔親熱都要格外小心啲，曾經有次想同對方錫錫嘅時候，嘴仔都未掂到，副眼鏡已快一步頂到對方眉心，搞到未親熱先決裂。之後我就諗，如果對方都係戴眼鏡的話，「慘劇」應該可以避免，是以小弟就特別鍾意眼鏡娘，好似水着妹時東亞美咁，更係我嘅夢中女神。26歲嘅亞美嬌俏可人，面上流露着嘅青春純潔氣質，出道九年來絲毫不減，而佢戴住眼鏡嘅形象仲凸顯出一股可愛萌味，宅男們一定鍾意。亞美除咗容顏吸引，身材亦相當誘人。雖然亞美只得5呎高，但係身材玲瓏浮凸，腰幼之餘上圍仲有成34F咁勁，加上皮白肉嫩，肌膚晶瑩剔透，呢副胴體實在太誘惑喇！
2005年出道做水着妹嘅時東亞美，一直都以眼鏡娘形象演出，但其實阿妹係冇近視又冇老花，所佩戴嘅眼鏡根本就冇鏡片，而阿妹之所以咁做，除咗係想從芸芸冇戴眼鏡嘅水着女優中突出自己，仲話戴眼鏡可以增加自信心，面對鏡頭冇咁驚喎。而眼鏡現時已成為亞美嘅標記，更自創眼鏡品牌「Laue」，由自己設計各款眼鏡框。時東亞美形象健康又突出，令佢成為好多公開活動嘅寵兒，多次擔任日本職業棒球賽開球禮嘉賓之外，仲做過東京都港區警視廳高輪警署嘅一日署長，至於喺演藝界嘅成績亦相當優秀，例如演出過電影《跳躍大搜查線 The Movie 3》，現時就演出《司法教官 穗高美子 3》。雖然亞美工作繁忙，但一直都顯露善心，初出道嘅時候佢就曾經為一隻導盲犬籌款，到日本311大地震，亞美仲多次參與慈善義演，仲特別修讀防災相關嘅課程，取得防災士專業資格，以求未來可以幫助身邊人面對災害，另外亦不時捐出個人物品為慈善團體拍賣籌款，認真夠善心。
時東亞美相當貪靚，經常都會將自己扮靚靚嘅相上載到博客同大家分享，大家不妨Click入去參考其扮靚心得。
網址：http://ameblo.jp/tokito-ami/
年齡：26歲
身高：5呎
三圍：34F-23-34
撰文：賢