男子看：翻身無望？

東莞水盡鵝飛，深圳亦不見得可以獨善其身，早輪有經營者以為風聲好像小了一點，於是偷步做起生意來，以為低低調調就可以過到骨，結果沒多久前沙咀、龍華又先後爆一單「大拘捕」，據聞中招者仲有不少港人，這一次，我們一向熟悉的夜店經營者都紛紛表態：短期真係翻身無望，不如疊埋心水搵過第二行，「之前都覺得等吓可能有轉機，話晒間場喺度、人手又喺晒度，點知一個月一個月咁過，完全無好轉迹象，你話係咪死心先？」原來跑深圳線的同事早前亦放棄定期北上見客，因為除了看到一班行內人愁眉不展，日呻夜呻，根本就愛莫能助。