我哋成日形容鍾意四圍蒲嘅人叫「V V Wet Wet」，引申出嚟嘅意思係話人唔踏實同冇乜責任感。其實鍾意「V Wet」又有乜所謂呢，事關以V字為首嘅情慾英語中，唔少可以畀到大家與別不同嘅樂趣，而玩樂態度更可令人紓緩壓力，心情輕鬆兼愉快！
Vacuum Beds 危險勿試
Vacuum意思係真空，而Beds則係床咁解，兩者合而為一即係真空床！乜嘢嚟嘅呢？所謂真空床係愉虐道具其中一種，好此道者會先瞓入一張被膠袋包住嘅床上，然後另一個人就會開動抽風機將膠袋內嘅空氣抽出，最後形成抽真空嘅狀態。被包裹喺真空床上嘅玩家，不但全身上下都郁唔到，口鼻更只能透過膠袋所設有嘅氣孔呼吸，喺呢種被抑制嘅空間及被對方敲打嘅過程中獲得快感。除咗有真空床外，亦有人會使用真空立方體（Vacuum Cubes）嚟享受同樣嘅滋味。不過大家要留意，呢種玩法有相當大嘅危險性，大家千祈咪亂試。
如果要數全球最受歡迎嘅情趣玩具，Vibrator一定係坐二望一。Vibrator即係震動按摩棒，透過內置嘅摩打產生震動，刺激男女重要部位嘅敏感帶，從而達到性高潮嘅情趣玩具。由於受到市場歡迎，故此震動按摩棒嘅類型有好多，從仿男士兵器型、雙叉型到防水加電子感應等應有盡有，而我哋經常提到嘅震蛋亦係其中之一。講返轉頭，全球首個公認最早出現嘅震動按摩棒，可追溯到1734年嘅法國。呢個名為「Tremoussoir」嘅按摩棒以金屬製成，外形好似舊磨刀石嘅佢以發條作為動力，只係當時呢個按摩棒嘅用途，並非用於追求性高潮，而係用於治療女性情緒病。
日本AV廠商有好多，旗下亦有唔少特別嘅系列，以滿足唔同AV迷嘅口味，只係講到當中拍得夠專、夠味道嘅卻要數Venus。呢間以東京為總部，並純粹攝製輕熟女及熟女題材嘅AV片廠，雖然規模不大，但憑住高質素嘅作品，及經常搵嚟人氣女優演出，而深得喜好熟女題材嘅AV迷捧場。曾經同佢合作過嘅著名女優，包括近年喺亞洲紅到發紫嘅波多野結衣、冴木琴美、風間由美、三上里穗等，個個都係超人氣兼有樣有身材嘅一線AV女優。能夠搵到咁多人氣女優坐鎮，難怪Venus嘅熟女題材作品咁受歡迎啦。
美國成人產業界唔單止相當發達，而行業間嘅競爭亦非常激烈，能夠喺度屹立多年，冇番一定嘅實力實在好難做到，從呢點可見呢間創立於1984年，並且係美國成人產業界巨頭之一嘅Vivid Entertainment實力有幾咁強！由Steven Hirsch創辦嘅Vivid Entertainment，今年正好成立40周年，亦係少數歷史悠久嘅成人產業集團。講到佢最著名嘅產品，相信莫過於佢嘅四仔，每年推出超過60套作品，不但擁有為數唔少嘅高質合約脫星，著名嘅惡搞美國超級英雄系列「Super XXX Heroes」亦係家喻戶曉嘅系列。除咗四仔製作外，佢更經營網絡電台Vivid Radio、網絡電視頻道，又有以集團名字命名嘅伏特加酒、滑雪板、滑板、潮流服裝等等。
網址：vivid.com
雖然美國四仔界唔少脫星都會演而優則導，但係講到當中最著名嘅卻要數Veronica Hart。喺1956年10月27日於美國拉斯維加斯出生嘅佢，從1979年出道至1984年引退期間，曾先後演出多套著名成人電影，當中包括《Amanda by Night》、《Wanda Whips Wall Street》、《Roommates》、《A Scent of Heather》等。引退後，Veronica Hart改以Jane Esther Hamilton之名繼續四仔工作，只係佢唔再演出而係轉做導演。變身成導演嘅佢同樣做出相當好嘅成績，尤其係從2000年開始至2009年，連續10年喺AVN頒獎禮中獲得最佳導演嘅提名，當中喺2004年嘅XRCO頒獎禮中，佢所拍攝嘅作品《Misty Beethoven: The Musical》獲得最佳喜劇大獎。此外，佢亦係AVN、Hustler同XRCO嘅名人堂成員。
撰文：魂