台灣有唔少模特兒都同內地一樣係經歷選秀節目而闖出名堂，當然你勇奪前三名或者獲得乜乜大獎，對你嘅發展會有一定幫助，但有時三甲不入嘅囡囡，亦會殺出一條血路，好似今日要介紹嘅林佳陵就係其中一位。
出生於台灣，今年27歲嘅林佳陵，喺2007年參加模特兒公司主辦嘅選秀比賽，當時佢打入20強，最後未能再進一步，但由於樣子十分似影星舒淇，所以被媒體力捧為「小舒淇」，比賽失利後，佳陵繼續學業，但仍沒有放棄自己嘅理想，因為不時受到媒體嘅報道，所以不少台灣嘅模特兒公司都打佢嘅主意，但佳陵不敢輕下決定，最後喺畢業後先決定簽約投身模特兒界。由於佳陵樣子特別，氣質別具一格，加上身材出眾，咪睇佢胸部只有32吋，但就擁有D級尺碼，有媒體更指稱佢擁有E級，至於屬於乜嘢級？佳陵一直唔向外公布，將數字保密，話畀多啲想像空間大家估吓喎！
林佳陵入行後發展不俗，替多本頂級雜誌拍攝寫真，更拍咗唔少廣告片，最為人熟悉就係拍過周董嘅《超跑女神》嘅MV，當然唔少得性感演出啦！佢嘅火辣身形，仲吸引埋王晶導演添，2010年接拍《美麗密令—赤裸武器２》，到2012年更接拍咗《絕色武器》，在戲中佳陵演繹性感女殺手，有一幕最為人津津樂道，就係冒充妓女喺噴射浴缸內與黑人激情親熱，最後將對手殺掉，除咗大露性感外，仲表現出不凡身手，之後片約不斷，成炙手可熱嘅新人，但佳陵十分謙虛，話自己嘅演技仲需磨練，而為咗練好口才，佢嘗試主持工作，大家都見到佢有明顯進步，相信前途一定無可限量！
簡介：在林佳陵嘅官方面書內，有好多佢嘅自拍照同工作照，而且仲有好多佢同其他模特兒嘅絕密私影，睇嚟佢相識滿天下，美女朋友多的是！
網址：http://facebook.com/LenaLinTW
出生地：台灣
三圍：32D-24-34
身高：165cm
撰文：龍四海