今期美國潮流興乜？原來係拍四仔！據ABC News報道，話家陣當地情侶流行玩「Personalized Porn」，即係由專業攝影師操刀，幫情侶拍四仔。從新聞片所見，一對情侶喺影樓內剝清光，先嚟咀嘴熱身，情到濃時就手口並用，真係堅砌o架！受訪攝影師表示每日至少有一對情侶上門搵佢拍四仔，查詢嘅更多到數唔晒。但咪以為你肯露就有錢收，相反係要畀錢至真，攝影師話拍攝3小時，收費為4,000美元，約31,200港元，都幾乸利！咁點解呢班情侶願意畀錢拍四仔呢？原來佢哋希望將唯美一面互相送畀對方留念，甚至百年歸老留畀下一代欣賞，見證佢哋當年有幾恩愛，亦有情侶當正行為藝術，放上網同大家分享。