早前美國有報告話智能手機普及，令中學生互發色情短訊嘅情況愈來愈嚴重。而美國一本雜誌《The Journal of Pediatrics》亦對此作出調查，該雜誌喺美國羅德島州嘅5間市區中學，訪問咗420個就讀中七學生，問佢哋有關用手機發色情短訊嘅問題，得出結果係，於最近6個月之內，有17%學生曾發過文字色情短訊，有5%學生則發出過有文字又有鹹相嘅色情短訊。該項調查嘅負責人表示，曾發出色情短訊嘅學生比起其他學生，對參與性行為更加有興趣，至於Send埋鹹相嘅學生，就更加有機會濫交亂性添！各位家長睇完之後唔好強迫仔女交部手機出嚟，檢查佢哋有冇Send色情短訊，坐低慢慢教導勸告先係正路呀！