如果閣下打算生番幾個小朋友，咁你希望第一胎係囝囝定囡囡呢？有經驗父母都會話生女最好，因為日後可以幫手照顧弟妹，但原來第一胎生女，除咗可以幫手做家務外，據英國埃賽克斯大學嘅研究表示，長女喺社會上嘅成功率比長子高！據研究顯示，長女嘅野心或企圖心比長子多13%；此外，接受教育嘅機會亦比弟妹高出16%。有網友話長女懂性好多，自小就知道自己嘅崗位所在，所以無論學習同做家務都會特別認真，要取得成功自然亦比別人容易，更有網友話揀老婆一定要揀長女，一來持家有道，二來搵到錢，隨時自己唔使做靠老婆養喎！呢啲軟飯王，巴打們真係咪學呀！