香港的人滿之患有幾恐怖，相信這兩年大家都領教過，而且由於各種文化上、生活習慣上的差異，更容易造成中港矛盾，網上的短片已經是俯拾皆是。同樣的情況其實也可以在澳門找到，夜場也不例外，「真係好鬼煩，無佢哋生意又受到影響，但有佢哋，又氣頂到飛起，總之影響就愈來愈大啦。」這位骨場經理告訴我，夜場一向都是英雄地，所以他們一定要小心處理，否則隨時出狀況！「我哋打開門做生意，有乜手尾都幾惡頂。」
問他最近可遇上甚麼「煩」事，他想也不想就說：「呢排上面打大風，所以多咗班國內玩家嚟玩，都唔係個個難搞嘅，但普遍都會有小麻煩。就剛剛又一單之嘛……」早兩天有一位國內客玩完之後出來休息室拉着他大鬧，投訴囡囡服務不佳、態度差云云，更要求他們賠償，「我梗係要了解啦，立即捉個女問，點知個女喊晒口，話個客要濕吻都算，仲要錫到成條頸、成個身濕晒，個女表現出唔高興咯，佢咪出嚟嘈囉，總之，佢哋依家真係好識投訴！」至於解決方法，也惟有低聲下氣慢慢平息，畢竟今時不同往日，靠惡，未必有着數。
撰文：黃韋龍