隨住日本AV文化普及，家陣我哋無論寫文章，定係喺網上留言，都會用到當中嘅術語，例如中出、本番等。最近AV廠GIGA更開設網上百科事典「Gigapedia」，讓大家了解更多日本AV文化添！
日本AV界可謂百花齊放，AV女優人數多，而且高矮肥瘦、巨乳、貧乳、超爆乳等類型乜都有，梗有一個可以滿足到大家嘅慾望。另一方面，AV廠亦各具特色，專出巨乳系作品嘅有OPPAI，主打美少女作品嘅又有Candy，鍾意睇熟女系作品亦可以搵Madonna及溜池。不過，小弟覺得GIGA呢間AV廠風格最出眾。G廠於2000年成立，迄今已有14年，主打拍攝特攝式AV，由女優扮演超人或戰隊成員，男優則扮演壞蛋奸角，雙方激戰時仲會加上炫目特效，花上嘅心機同時間可謂業界一絕，更加對AV業界影響深遠。
GIGA創立好多唔同特攝式AV系列，例如有水手系列、巨大系列、曙光女神系列、蒙面美少女系列等等，而每個系列都有其別樹一格嘅特質，例如水手系列，講述女主角係一位擁有超能力嘅學生，打擊壞人嘅時候就會變身成女戰士，身穿紅藍白緊身水手服，配上短裙及高跟鞋，而短裙入面通常都着上純白色底褲。點解我咁清楚？因為GIGA特別設立一個網上百科事典「Gigapedia」（網址：http://gigapedia.xsrv.jp），讓大家更了解每個系列嘅背景，一有唔明白上去查一查就清楚晒。另一方面，GIGA嘅專屬網站亦為作品連上超連結，見到字句用詞唔明白，一Click就可以連絡到「Gigapedia」解釋清楚，十分方便。
撰文：賢