當下東莞的情況究竟如何？之前已經說過一些，最主要都是不少從業員早就打定輸數，有路走的話都離職去了，剩下來的，根本是奄奄一息等遣散，因為客人都被嚇怕了，而且，事實上面的夜場仍未開綠燈，「上面幾時都係蛇有蛇路，鼠有鼠路啦，我到今日都仲不時收到以前識落骨場經理的微信，做乜？咪招客囉。」說話的是寫手P，他一向是北上玩家，不過近月來，已轉攻香港了，「紮咗咁耐炮，咁我都想睇吓上面咩環境，於是咪問個經理係咪安全囉，佢話OK，就上去囉。」
結果，遇到的情形卻讓他驚嚇不已，「間場門都未開得要走後門，真係未入閘已經腳都軟，入到場，程序上去睇女嘛，點知女就無得睇啦，佢拎住部手機掃吓掃吓咁Show啲囡囡相我揀，仲強調，女相可以慢慢睇，不過因為比較緊張，所以揀定之後個女到房就唔可以彈鐘啦！」如此氣氛，P說當時即場想縮，「但都勢成騎虎咯，焗住上囉！」結果，那次的「女程」，除了全程驚心動魄，更發現連時間也Cut短了，「咁狀況，下次都係諗清楚先。」
撰文： 黃韋龍